Постојат неколку фактори од кои зависи дали жената ќе доживее оргазам, а тоа се од опуштеност до љубовните вештини на партнерот, но научниците тврдат дека постојат некои особини кај мажите по кои можете да погодите дали со него ќе го доживеете „врвот“.
Научниците од Универзитетот во Албани спровеле истражување каде го испитувале сексуалниот живот на млади жени во хетеросексуални врски, па врз основа на нивните одговори провериле колку зачестеноста и интензитетот на нивните оргазами е поврзан со изборот на партнер.
Студијата покажала дека жените чии партнери се духовити, самоуверени и добро заработуваат, почесто доживуваат оргазами.
Интензитетот на оргазамот зависел од тоа колку на жените им се сексуално привлечни нивните партнери, но на тоа влијае и една физичка карактеристика кај мажите – ширината на неговите рамена.
Стручњаците објаснуваат дека позади тоа постои еволуциска причина: жените уживаат во сексот со развиени, силни и успешни мажи, бидејќи така се зголемува шансата да имаат еднакво успешни потомци.
