Во вакви стресни денови, според многумина најдобар лек е музиката.
Па, така по тој повод, пејачката Мијата денеска реши да ја промовира својата старо-нова песна и тоа на англиски јазик, со носи наслов „Регрет“.
Станува збор за композиција која е дел од албумот „Небеска“, но дури сега дочека своја екранизација.
– Иако песната ја темпирав за месец март како Месец на Жената, со новонастанатата ситуација текстот на REGRET добива уште подлабока и универзална симболика – вели Мијата.
Инаку REGRET e производ на соработката со Давор Јорданoвски кој се потпишува како аранжер, додека пак Миа е автор на музиката и текстот. Продуценти на песната се Давор Јордановски и Ѓоко Мишковски, а снимена е во Big Bang Music Recording Studio во Торонто како и во Rock’n Roll студио од Скопје (кој беше воедно и издавач на албумот Небеска). Видеото го изработи Иван Куртевски.
