Пред неколку години, приказната за Моника Марез која се вљубила во сопствениот син Кејлеб Петерсон го обиколи светот.
Имено, 41-годишната Моника и 24-годишниот Кејлеб од Ново Мексико поради тоа биле на суд, откако ги пријавил нивниот сосед, но и тогаш рекле дека не планираат да се откажат од својата „љубов“.
Кејлеб, инаку, е роден како Карлос, а веднаш откако Моника го родила на 16 години, го дала на посвојување. Посвоителите му го дале името Кејлеб, а тој немал никаков контакт со својата биолошка мајка – до минатиот Божиќ кога се поврзале на „Фејсбук“. Веднаш договориле средба.
„Првиот пат кога го видов син ми, од возбуда почувствував пеперутки во стомакот. Плачеше и цврсто ме прегрна“, раскажува Моника, додавајќи дека набргу потоа Кејлеб дошол кај неа со својот камион и останал да живее со неа и нејзините деца.
Набрзо почнале да чувствуваат нешто повеќе еден кон друг, а Моника тоа го објаснува со фактот што не го растела таа и тврди дека и генетската сексуална привлечност имала поголема улога.
„Во една прилика му реков: „Не знам како ќе реагираш на ова. Јас сум твоја мајка, но се заљубувам во тебе“. Кејлеб ми кажа дека и тој има одредени чувства кон мене, но дека се плашел да ми го каже тоа“, вели Моника, додавајќи дека потоа се шетале низ паркот, а таа во таа прилика го прашала дали сака да ѝ биде момче, а одговорот бил да.
Набрзо почнале да имаат сексуални односи и се однесувале како вистински пар. Кејлеб за медиумите изјави дека верува оти, бидејќи и двајцата се полнолетни, треба сами да одлучат за својот живот, дури и ако тие одлуки се инцест.
Судот им одредил мерка разделба на 18 месеци, по што можеле да се гледаат но само под надзор. Сепак, и покрај сето тоа, мајката и синот велат дека ништо нема да ги спречи да продолжат да се гледаат.
Најлошо од се, целата врска е поддржана од поранешниот сопруг на Моника и татко на Кејлеб Дејтон Чавез.
