„The Rolling Stones“ за време на нивната трета северно-американска турнеја, на 12 мај 1965 година во RCA Hollywood студиото за еден ден ја снимиле легендарната песна „(I Can’t Get No) Satisfaction“, чии автори се Мик Џегер и Кит Ричардс.
Се смета дека со неа започнала новата ера на рок музиката, а тоа беше и пресвртница за кариерата на бендот. Во изборот за 500 најголеми хитови на сите времиња, песната е втора на листата веднаш по „Like a Rolling Stone“ на Боб Дилан. Песната посебно ја означува воведниот гитарски риф на Ричардс, за кој ја добил идејата додека сонувал. Според таа приказна, тој се разбудил рано наутро, ја земал гитарата и го вклучил касетонот кој секогаш го држел покрај креветот, па веднаш после тоа продолжил да спие.
Текстот на песната го напишал пејачот Мик Џегер, а тој се однесува на оттуѓување на млад човек, неговото незадоволство кое расте со конзумеризмот во модерниот свет каде „на радио се слушаат безкорисни информации и каде човекот од телевизорот кажува колку треба да ви е бела маицата“. Песната се сметала за вознемирувачка, поради сексуалните конотации, но и поради самиот негативен поглед кон комерцијализацијата и други аспекти на модерната култура се причината зошто имала лош глас и била цензурирана.
