Авторот на најпродаваниот бестселер на белградскиот саем за книги во 2014 Андрија Терзиќ, кој се потпишува само како – А.Т. на 22 февруари доаѓа во Скопје.
Популарниот писател на 22 овој месец во „Кино Култура“ ќе ги промовира своите две книги со наслов „Пливач“ и „Преку пута-истина“.
Досеага А.Т. одржал многу промоции во својата земја, а исто така се претставил и пред читателската публика во повеќето земји од Европа, Чикаго, Вашингтон и многу други места низ светот.
Исто така А.Т. е познат и по улогата Коцка во серијата „Убијците на мојот татко“. Она што е вредно да се спомене, е тоа што моментално А.Т. работи на роман по кој ќе се снима филм во Холивуд.
Промоцијата на книгите во „Кино Култура“ ќе започне во 20 часот.
