Принцезата Дијана многумина ја сакаа поради нејзината безгранична добрина. Но, тоа не е сè по што светот ја памети. Таа беше модна икона и остана вечна инспирација за убавина и стил, пишува „Bright Side“.
Ова се некои од нејзините совети за убавина.
Навлажнување на лицето пред нанесување шминка
View this post on Instagram
Мери Гринвел, шминкерка и пријателка на принцезата Дијана, во една прилика истакна дека прво го навлажнувала лицето на принцезата пред да нанесе каков било производ. Затоа нејзината кожа никогаш не изгледала тешка и пригушена од шминка.
Суптилните очи изгледаат подобро
View this post on Instagram
Иако во одредени ситуации е прифатлива повпечатлива шминка, сепак светла шминка за очи дава поприроден изглед и е посоодветна за секојдневно носење. Принцезата Дијана често сакала да носи сино моливче за да ги истакне очите. Но, нејзината шминкерка го променила тоа. На нејзин предлог, принцезата се одлучила за понеутрални тонови на црна и кафена боја.
Образите изгледаат подобро кога се истакнат
View this post on Instagram
Ако руменилото се нанесе погрешно, работата за контурирање и истакнување може да падне во вода. Убаво нагласените јаболчници ќе привлечат внимание – тоа било едно од бјути правилата на принцезата.
Може да се нагласат и тенките усни
View this post on Instagram
Видот на настанот, времето од денот и облеката што ја носите се фактори кои мора да се земат предвид при изборот на нијанса на кармин. Гринвел вели дека розовите и „разголените“ тонови најдобро одговараат на кралскиот изглед. Но, ноќните настани бараат потемни нијанси. Во секој случај, не плашете се да пробате нијанси за усни на кои не сте навикнати.
Мирисот е важен
View this post on Instagram
Пријатната природа на принцезата Дијана го надмина нејзиниот надворешен изглед. Според Гринвел, принцезата секогаш, апсолутно секогаш, се грижела да мириса беспрекорно.
Етеричните масла се навистина есенцијални
View this post on Instagram
Принцезата Дијана била познат обожавател на ароматерапијата. Со години пред есенцијалните масла да станат светска мода, принцезата веќе уживала во нивните придобивки.
Конзистентна нега на кожата
View this post on Instagram
Добрата нега на кожата ќе направи чуда за целокупниот изглед. Принцезата Дијана била многу конзистентна со нејзината рутина за нега на кожа.
