После минатогодишното откажување поради спор со продуцентите, пејачката конечно ќе настапи на престижните музички награди.
Пејачката Аријана Гранде се враќа на доделувањето на Греми наградите, откако минатата година имаше спор со продуцентите поради настапот.
Популарната ѕвезда на хитот „Thank U, Next“ на друштвените мрежи објави дека на 26 јануари ќе настапи на 62-то доделување на престижните музички награди.
Веднаш после тоа, информацијата беше потврдена и на службената Инстаграм страница на Греми, пишува CNN.
Минатата година Гранде одлучи да не присуствува на ова музичко случување, поради спор со продуцентите.
Тогаш Греми и замерија, бидејќи организаторите не ѝ дозволија сама да ги одбере песните кои сакала да ги изведе, поради што го откажала цел настап.
26-годишната поп-ѕвезда оваа година е номинирана во 5 категории, а на музичкото случување ќе настапи непосредно после објавувањето на концертниот албум „k bye for now (swt live)“, и по завршувањето на Sweetener World турнејата во Лос Анџелес.
