Дали сте страстен Овен, традиционален Бик или емотивен Рак? Продолжете да читате и сигурни сме дека ќе се препознаете. Нашите хороскопски знаци играат многу важна улога во тоа какви љубовници сме. Додека едни уживаат во шегувањето со својот партнер, други пак приредуваат романтични вечери.
Овен: Страстен љубовник
Овните сакаат авантура. Полни се со страст и тоа ќе го покажат со еднаков ентузијазам. Како што се посветуваат за сѐ во животот, така и ќе се погрижат нивниот партнер во ниту еден момент да не почувствува досада.
Бик: Традиционален љубовник
Семејно ориентирани, Биковите сакаат да одат на состаноци и да се галат во креветот со саканата личност. Тие се традиционални љубовници кои ќе прават работи кои се типични за паровите – гледање филмови, заеднички одмори и слично. Овој хороскопски знак е толку посветен на својот партнер, што тој секогаш ќе се чувствува сигурно и заштитено во врската.
Близнаци: Ентузијасти
За нив сѐ мора да биде возбудливо. Близнаците се интелигентни и полни со живот. Сакаат да учат нови работи, нови јазици, да се занимаваат со спорт, планинарење и заеднички да истражуваат со својот партнер. Близнаците знаат што сакаат. Ако ги мотивирате и им покажувате нови работи, никогаш нема да ве напуштат.
Рак: Чувствителен љубовник
Ракот е најнежниот знак во хороскопот. Тие се исклучително верни, со меко срце и никогаш не бегаат од својата суштина. Романтичната врска со нив е исполнета со емоции и разбирање. Тие бараат само некој што ќе ги цени.
Лав: Доминантен љубовник
Лавот е роден лидер кој сака да доминира и во врската. На овие луѓе им е потребен партнер кој ќе им биде подреден и постојано ќе ги исполнува нивните желби желби. Кога е во центарот на вниманието на својот партнер, Лавот нема да ги штеди своите емоции, но потребно е да му угодувате цело време, бидејќи понекогаш станува сомнителен.
Девица: Систематичен љубовник
Девиците се подготвени за сите прашања во животот. Кога ќе сфатат дека се во вистинска врска, ќе направат сѐ што е во нивна моќ за таа да успее. Тие се многу посветени љубовници, кои сакаат да се потребни на некого и својата систематичност ја применуваат на сѐ во животот.
Вага: Отворен љубовник
Не постојат никакви шанси дека Вагата ќе живее сама. Овој знак сака да се поврзува со другите луѓе и има отворена природа. Понекогаш фантазира и по малку е зависна од партнерот, но секогаш успева да внесе стабилност во врската.
Скорпија: Верен партнер
Скорпиите се многу страсни и потребен им е искрен и интелигентен партер. Тие интимноста и разбирањето во врската го земаат многу сериозно и многу се верни на својот партнер.
Стрелец: Авантурист
Личностите родени во овој знак имаат слободен дух и не може да се врзат. Промените и патувањата им даваат смисла во нивниот живот.
Јарец: Тивок љубовник
Јарците не зборуваат многу. Ним им е потребно време да влезат во врска. Тие своите чувства обично ги изразуваат низ дела, но се исклучително посветени на своите партнери.
Водолија: Интелектуален љубовник
На Водолиите им е потребна интелигентна стимулација за да се поврзат со луѓето. Тие сакаат сериозни разговори и имаат големи соништа кога е во прашање иднината. Исклучително се живи во врската и го инспирираат партнерот да ги следи своите соништа.
Риби: Романтичен љубовник
Рибите се најромантични од сите знаци. Тие искрено сакаат и ќе направат сѐ за партнерот. Полни се со страст, исклучително се чувствителни и мразат кратки врски. За нив, врската мора да биде длабока и трајна. Нивната нежна и блага природа ги прави волшебни љубовници.
