Нашиот драг соработник, метео прогнозерот Славчо Попоски, ни носи „тазе“ вести за денешната временска ситуација.
– Овој викенд нашата територија ќе биде зафатена од влажна и нестабилна воздушна маса од северозапад. Времето ќе биде променливо облачно и нестабилно со локална појава на пороен дожд, грмежи, засилен ветер и услови за локална појава на град, објаснува Славчо.
Според Попоски, до понеделник ќе продолжи да дува умерен до засилен ветер од западен и од југозападен правец, додека од вторник ветерот ќе го промени својот правец во северен и во северозападен, а температурите на воздухот ќе бележат тенденција на пад, и тоа поради спуштање на посвежа воздушна маса од север.
Услови за локален краткотраен дожд ќе има и во почетокот од следната недела. Температурите овој викенд ќе се искачуваат во интервалот од 25 до 34 степени, што значи дека и покрај нестабилното време, истите сеуште ќе бидат натпросечни.
– Во скопскиот регион за време на викендов, исто така, се очекува нестабилно време со локална појава на пороен дожд, грмежи и засилен ветер. Температурите ќе се искачуваат во интервалот од 26 до 29 степени, заклучува Попоски.
