– Како што претходно најавивме, од утре па натаму ќе има зголемување на облачноста која ќе биде проследена со повремени локални врнежи од дожд. Врнежите повеќе ќе ги има во западните и јужните предели од државава, и истите таму ќе бидат со умерен интензитет, додека на другите места врнежите ќе бидат послаби. Ќе дува и слаб до умерен ветер од јужен правец, додека во вторник ветерот ќе го промени својот правец во северен. Температурите ќе се искачуваат во интервалот од 13 до 18 степени, додека од среда истите ќе бележат тенденција на опаѓање и ќе се искачуваат во интервалот од 10 до 14 степени, вели нашиот метео прогнозер Славчо Попоски.
И во Скопскиот регион од утре ќе има зголемување на облачноста која ќе биде проследена со повремен локален дожд. Ќе дува и слаб до умерен ветер, утре од југоисточен, додека во вторник ветерот ќе биде од северен правец. Температурите ќе се искачуваат во интервалот помеѓу 11 и 13 степени.
