– Денес времето во Македонија ќе биде сончево и натпросечно топло со мала локална облачност. Во вечерните часови и во текот на ноќта облачноста ќе се зголемува. Ќе дува слаб до умерен ветер од јужен и од југоисточен правец и истиот особено Долж Повардарието ќе засилува на интензитет. Максималните температури ќе се искачуваат во интервалот од 12 до 19 степени, додека во најтоплите предели истите има услови да се искачат дури и малку над 20 степени, вели нашиот метео прогнозер Славчо Попоски.
Во Скопје и околината времето ќе биде сончево, додека навечер и во текот на ноќта ќе има зголемување на облачноста. Ќе дува слаб до умерен ветер од југоисточен правец и истиот повремено ќе засилува на интензитет. Максималната температура ќе се искачи до околу 17 степени.
Потоа од утре па натаму ќе има повеќе облачност и ќе има појава на повремен локален дожд. Температурите и понатаму ќе бидат значително над просекот за овој период од годината и максималните дневни ќе се искачуваат во интервалот од 12 до 19 степени.
Заладување на времето ќе има во вторник, кога врнежи од дожд ќе има на повеќе места и локално истите ќе бидат ПОИНТЕНЗИВНИ, и на повисоките места и на планините ќе преминуват во врнежи од снег. Во вторник услови за врнежи од снег ќе има и на некои места со помала надморска височина, и тоа особено во северните предели. Сево ова ќе биде проследено и со засилен ветер од северен правец, додека температурите во вторник ќе се искачуваат во интервалот од 5 до 13 степени во најтоплите предели од државава.
