– Денес времето во Македонија ќе биде претежно облачно со слаб до умерен ветер од јужен и од југоисточен правец. Попладне и навечер, особено во западните предели ќе има повремени врнежи од дожд. Температурите ќе се искачуваат во интервалот од 10 до 16 степени, вели нашиот метео прогнозер Славчо Попоски.
Во Скопје и околината времето ќе биде претежно облачно со слаб до умерен ветер од југоисточен правец. Попладне и навечер ќе има услови за повремен дожд. Максималната температура ќе се искачи до околу 13 степени.
Според Попоски, во следните денови времето ќе се задржи претежно облачно, во јужните и југоисточните предели ќе има услови за локален дожд. Утре ќе дува слаб до умерен ветер од северен правец, кој особено долж Повардарието повремено ќе засилува на интензитет. Температурите ќе се искачуваат во интервалот од 12 до 18 степени, додека од среда истите ќе бележат тенденција на пад и ќе се искачуваат во интервалот од 7 до 13 степени. Сепак, наутро температурите речиси насекаде ќе се задржат над нулата.
