25 рецепти за 25.000 илјади вкусни и здрави навики со Cooking with Branko.
Полна месечина! Ги крие тајните на шумата, планините, љубовта и една нова надеж. Брза и вкусна торта која се подготвува за само 20 минути. Следете ги состојките и уживајте во магијата, советува шеф Бранко Попоски познат како Cooking with Branko.
Потребни состојки:
За долниот дел:
– 100гр. мелена Плазма
– 100гр. мелени ореви
– 100гр. мелени лешници
– 100гр. кокосово масло
– Рендана чоколада по желба
За кремот:
– 300гр. Маскарпоне
– 300гр. Шумско овошје (аронија, капина, боровинка)
– 3 големи лажици мед
– 100гр. Кокосово масло
– 2 лажички екстракт од ванила
– Ситно сецкани лешници
View this post on Instagram
Начин на подготовка:
Сувите состојки за горниот дел измешајте ги и додадете им кокосово масло. Мешајте убаво додека не се натопи целата смеса. Додадете го ренданото чоколадо. Смесата поставете ја на долниот дел од садот и убаво притиснете со рацете да се зацврсти. Оставете ви фрижидер да се стегне 5 до 10 минути.
Во длабок сад додадете ги состојките за кремот. Матете со миксер додека не добиете хомогена смеса. Шумското овошје ставете го во блендер, а потоа додадете го во кремот. Лешниците иситнете ги на мали парчиња. Промешајте со дрвена лажица. Врз долниот дел истурете го кремот и убаво измазнете. Оставете да отстои во фрижидер за да се стегне.
По желба декорирајте со листови од јоргован и шумско овошје.
