Започнавме убава соработка со една врвна готвачка која секое јадење го претвара во магија од вкусови – Теодора Георгиевска.
Оваа извонредна мајсторка и една од највлијателните готвачки на социјалните мрежи кај нас, стои зад бројните рецепти кои ги објавува на профилот „Готвиме со Теа“ – „gotvime.so.tea“.
Теа денес ни подготви еден брз, лесен и вкусен, лапни – голтни рецепт. Вкусни, а посни сникерс коцки!
View this post on Instagram
Потребни состојки:
- 100 мл вода
- 300 гр шеќер
- 200 гр мелени, печени, не солени кикирики
- 125 гр маргарин
- 200 гр мелени бисквити
За прелив:
- 200 гр црно посно чоколадо
- 6 лажици масло
- 200 гр сецкани кикирики
Подготовка:
Се вари сируп од шеќерот и водата и се остава малку да се излади. Во сад се ставаат мелените бисквити и кикирики, претходно стопениот маргарин и на крај се додава сирупот. Се меси додека не се добие мазна смеса. Во тавче (ако сакате да бидат повисоки во помало тавче, ако не во поголемо) обложено со хартија за печење се распоредува смесата. Убаво се натапкува и се премачкува со мед. Се прелива со 200гр чоколадо стопено со 6 лажици масло и над него се додаваат сецканите кикирики. Се остава во фрижидер неколку часа и потоа се сече на коцки.
