08:47 - 16 ноември, 2026

СЛАВЧО ПОПОСКИ НАЈАВУВА: Нови врнежи и невообичаено студено време, еве од кога!

– Денес времето во Македонија ќе биде променливо облачно со сончеви периоди и тоа особено претпладнево. Попладне и навечер облачноста ќе се зголемува, со што ќе започнат нови врнежи од дожд а на планините врнежите ќе бидат од СНЕГ, најавува нашиот метео прогнозер Славчо Попоски и додава:

Ќе дува слаб до умерен ветер од северен правец, кој особено долж Повардарието повремено ќе засилува на интензитет. Температурите ќе се искачуваат во интервалот од 10 до 17 степени. Во Скопје и околината времето ќе биде променливо облачно со слаб до умерен ветер од северен правец, и истиот повремено ќе засилува на интензитет.

Во вечерните и ноќните часови ќе започнат нови врнежи од дожд. Максималната температура ќе се искачи до околу 14 степени. Потоа под влијание на ЗНАЧИТЕЛНО ПОСТУДЕНА воздушна маса од север, утре и во петок времето ќе биде облачно и НЕВООБИЧАЕНО СТУДЕНО со повремени врнежи од дожд, кои особено во јужната половина ќе бидат ПОИНТЕНЗИВНИ и локално ќе наврнат над 40 л/м2 воден талог.

Според Попоски, на планините и на повисоките места врнежите ќе бидат од СНЕГ каде ќе се формира и снежна покривка. Снежната граница и тоа особено во западните и во северните предели има услови да се спушти и под 1000 м.н.в. Ќе дува умерен, на некои места ЗАСИЛЕН ветер од северен и од северозападен правец. Температурите ќе се искачуваат во интервалот од 3 до 9 степени.

– За време на викендот пак, ќе имаме постабилно и нешто потопло време, кога и врнежите насекаде ќе престанат, заклучува метео прогнозерот. 

Слични објави

Хороскоп за 16 ноември: Ракови, верувајте ѝ на вашата интуиција

Еспресо

Една порција зелен лиснат зеленчук дневно — што открива истражувањето за помнењето во повозрасната доба?

К.С.

(Фото) Џејла Рамовиќ во впечатливо издание – блесна во мини фустан со кој ги истакна нејзините долги нозе

Еспресо

Сопругата на Лазар Ристовски ѝ одговори на жена која ја нарече спонзоруша: „Ги доби своите пет минути“

Еспресо

„Каде песно моја“ – меланхоличниот евергрин на Славе Димитров што речиси пет децении ја чува својата магија

Т.Ц.

Весна Ривас ја прослави годишнината со сопругот кој ја изневерувал – се разделија, а денес повторно се заедно

Е.А.
Се вчитува....