Појадокот кај нас знае да биде бурек или кифла со јогурт за тие што се „на нозе“ или класичните јајца или можеби ретро: леб со мед, путер и чаша чај. Но, остатокот од светот практикува со друг тип на храна да си го почне денот.
Шведска
Мазарин
View this post on Instagram
Мазарин – тартот се јаде со кафе наутро, попладне, па дури и после оброк. Овие закуски се нарекуваат „фика“. Името Мазарин потекнува од шведското име за паста од бадем, имено марципан, но и од познатиот италијански кардинал Жил Мазарин кој бил широко познат во француската историја. Се прават од тесто за печиво со вкус на слатка ванила и фил направен со крем од бадем. Потоа се преливаат со глазура, која е мешавина од шеќер во прав и сок од лимон.
(ФОТО) ДРУГ СВЕТ: Како изгледа појадокот во Данска, Русија и Англија
Ел Салвадор
Кесадиља Салвадорена
View this post on Instagram
Измеѓу многу меко лебче и чизкејк торта, кесадиља салвадорена традиционално се подготвува од оризово брашно, иако може да се направи и од пченкарно брашно (маса) или пченично брашно (триго). Рецептот и начинот на подготовка се разликуваат од куќа до куќа. Во Ел Салвадор, кесадиљите се прават со традиционалното салвадорско сирење наречено „queso duro blando“ (тврдо сирење), кое има бела боја со многу малку солен и пријатен вкус.
(ФОТО)ДРУГ СВЕТ: Како изгледа појадокот во Иран, Кина и Холандија?
Нов Зеланд
Пикелет
View this post on Instagram
Пикелет е вид на палачинка што е многу подебела од традиционалната француска палачинка и приближно со иста дебелина како и американската палачинка. Во однос на дијаметарот, пикелетот е типично помеѓу 7 и 8 сантиметри. Овој тип на палачинка се служи слично како американската со овошје, џем, крем, путер, сируп, чоколаден прелив, шеќер во прав или стандарден шеќер.
