„Благодарeност до Џо Бајден и пријателскиот американски народ за уште едно покажување на солидарност: пакет помош што содржи системи за противвоздушна одбрана Avenger и ракети за системите за воздушна одбрана Хок. Заедно градиме воздушен штит за да ги заштитиме мирните Украинци и се приближуваме до победата над агресорот“. Претседателот на Украина Володимир Зеленски го напиша тоа на Твитер, заблагодарувајќи му се на американскиот претседател за новиот пакет воена помош доделен од американската администрација.
Средствата за противвоздушна одбрана се „точно она што е потребно, она што го побаравме“, рече Зеленски во својата вечерна видео порака, осврнувајќи се на вчерашната американска најава за новиот пакет воена помош за Украина во вредност од 400 милиони долари, што вклучува, и ракети за системот за противвоздушна одбрана Хок и четирите системи за воздушна одбрана Avenger, исто така дополнителна муниција за системите Химарс.
Севкупно, САД обезбедија повеќе од 18,6 милијарди долари безбедносна помош за Украина од почетокот на инвазијата на Русија на 24 февруари.
