Американскиот претседател Џо Бајден го повика рускиот претседател Владимир Путин да не користи тактичко нуклеарно или хемиско оружје за да ја врати изгубената територија во Украина.
Во интервју за Си-Би-Ес, на прашањето што би му рекол на Путин доколку размислува за употреба на такво оружје, Бајден одговори:
„ Немој. Немој. Немој. Тоа би ја променило војната како ништо досега, како ништо од Втората светска војна“. Нашиот одговор ќе зависи од степенот на она што тие го прават. За да се спротивстави на украинскиот напредок, Путин би можел да ги мобилизира резервните сили, кои се околу два милиони, или да го прекине гасот за Европа и на тој начин да ја принуди Украина да се повлече“ изјави Бајден.
Путин предупреди дека Москва би можела да возврати посилно доколку нејзините сили бидат под дополнителен притисок, што ја зголеми загриженоста на Западот дека би можела да прибегне кон неконвенционални средства како нуклеарно или хемиско оружје.
