Овој млад 19-годишен тенисер во финалето по голема борба и повеќе од 2,5 часа игра со 2:1 во сетови го совлада Новак Ѓоковиќ.
Новак го доби првиот сет со 6-3, но во вториот сет Руне го повтори истиот резултат во своја корист (6-3). Решавачкиот трет сет кој траеше 1 час и 13 минути, го доби Руне со 7-5 за само трет негов трофеј во Мастерс серијата.
Руне го заврши својот настап во Париз. Тој успеа за пет дена да победи петмина тенисери кои се наоѓаат во ТОП 10-те на АТП листата, на која Руне во моментов е на 19 место.
Српскиот тенисер и покрај поразот ја задржа насмевката и по самиот меч, а особено се радуваше на младиот Данец за кого е пример и идол. Руне стигна до мрежата, дотрча до Новак, кој го прегрна, го потапка по рамото со искрена насмевка.
„Среќен сум поради тебе, го сакам твојот карактер, мислам дека си посебен дечко кој го сака тенисот и кој вложува многу часови во тешки тренинзи за да успее. Светла иднина секако има пред тебе и пред твојот тим, секоја чест“, порача Ѓоковиќ, а тоа предизвика овации од трибините
‘I’m happy for you because I like your personality – I think you’re a very dedicated guy that loves tennis – and I’m sure the future is bright for you’@DjokerNole – graceful as ever 🙌@holgerrune2003 #RolexParisMasters pic.twitter.com/FkJByxxARP
— Tennis TV (@TennisTV) November 6, 2022
‘You’re one of my favourite players, I’ve been watching you since I was a little kid’ 🥹
Work until your idols become your rivals 🏆@holgerrune2003 #RolexParisMasters pic.twitter.com/a6tDbsRYKN
— Tennis TV (@TennisTV) November 6, 2022
