Првата американка домородка која патувала во вселената е астронаутката Никол Ман.
45-годишата Никол е член на четиричлениот екипаж кој отпатува до Меѓународната вселенска станица, а лансирањето на ракетата Фалкон 9 на SpaceX беше извршено од Флорида.
Во изјава за Би-Би-Си, таа пред патувањето рече дека се надева дека мисијата ќе ги инспирира идните генерации на домородните Американци да ги следат нивните соништа.
View this post on Instagram
Таа е припадник на племето Ваилаки, а во текот на нејзината кариера има собрано огромно искуство летајќи со различни авиони на американските маринци. Добитничка е на шест медали, а била на мисии во Ирак и Авганистан. Инаку, таа ја завршила обуката за астронаути во 2015 година. Оттогаш, чека прилика да лета во вселената.
Таа исто така беше на списокот за патување во капсулата Starliner на Боинг. Сепак, дошло до доцнење одложувања, па НАСА ја префрлила во мисијата Crew 5.
Екипажот на мисијата Crew 5 барем привремено ќе го зголеми бројот на луѓе на ISS на 14.
Астронаутите Џон Касада, Коичи Вакта и руската космонаутка Ана Кикина отпатувале со неа до ISS.
Кикина е единствената жена меѓу руските астронаути. Нејзиното присуство претставува продолжување на договорот меѓу Русија и САД. Двете земји ветија дека ќе испратат екипажи во орбитата и покрај тензиите околу руската инвазија на Украина.
Членовите на Crew 5 ќе поминат шест месеци на ISS, додека Crew 4 се враќа дома на 12 октомври.
Looking forward to launch tomorrow. Let’s do this! pic.twitter.com/xtmPj56R0A
— Nicole Mann (@AstroDuke) October 4, 2022
