Тие се упорни борци, обучени од војни и војувања. Навикнати се на долги маршеви, спиеја во импровизирани ровови, јадеа малку и го ризикуваа својот живот во секое време против нивните непријатели кои често имаа многу пософистицирано оружје и опрема од нив. Обично се родени во екстремно верски семејства, во паштунскиот свет кој доаѓа од југоисточен Авганистан, но и во „племенските области“ на северен Пакистан и Кашмир.
Директните корени на Талибанците произлегуваат од џихадот (светата војна) против советската инвазија во 1980 -те.
Талибанците се поранешни ученици на исламските верски училишта кои датираат уште од 1970 -те години во конзервативниот Пакистан, финансирани главно од Саудиска Арабија и поврзани со традициите на сунитскиот вахабизам насочен кон барање на оригиналната чистина на исламот. Но, кои се Талибанците денес? Дали навистина се модернизираа, како што сметаат самите?
🇦🇫 #Afghanistan : les #talibans ont pris le contrôle d’un parc d’attractions à #Kaboul. (témoins) pic.twitter.com/BukACDf5v2
— Mediavenir (@Mediavenir) August 16, 2021
Нивниот стил денес е многу поразличен од оној од пред само 20 години.
„Погледнете само како се однесуваат пред камерите и фотоапаратите“, објаснуваат новинарите од италијанскиот дневен весник „Кориере дела сера“, – сите ние (новинарите) што бевме во Кабул во втората половина на 1990 -те, бевме запирани (а некои и уапсени) од нивните „морални патроли“, кои забрануваа било какво снимање или фотографирање на човечкото тело во име на ригорозното толкување на Куранот.. Фотографиите беа табу. Ама сега, веќе не е така. Нивните борци си играат со мобилни телефони разменувајќи видеа и слики’.
Понатаму, новинарот на „Кориере дела сера“ продолжува да објаснува -„На вчерашната прес -конференција тие беа среќни што ги снимаа, па дури и одговараа на новинарки пред камерите. Дали и ова е една тактика? Тешко е да се каже. Очигледно е новиот фокус насочен кон меѓународните односи. Во методите и стилот, изгледа дека Талибанците многу се промениле. Да е спротивно, би било чудно, со оглед на, меѓу другото, присуството на западната коалиција овозможи неверојатен раст на градовите и на главната инфраструктура. Кабул во 2000та беше куп урнатини. Денес, Кабул е град со згради на странски компании, банки, трговски центри, хотели, продавници за компјутери“.
