Вечерва забавата продолжува со Тони Цетински на кого ќе му претходат легендарните Куку Леле и нашиот Зоран Илиев. Присуството е задолжително, затоа што ветуваме уште една фантастична вечер!. Ова е поканата на штипскиот градоначалник Иван Јорданов на втората вечер од 14-то издание на манифестацијата „Штипска пастрмалијада“.
Градоначалникот Јорданов на Фејсбук објави фото галерија од синоќешната луда забава со групите ДНК, Џамбо Агушеви и хрватската ѕвезда Јелена Розга.
На манифестацијата присуствуваше и евроамбасадорот Дејвид Гир.
– Чувствувам големо задоволство што сум тука денес во Штип на „Пастрмајлијадата“. Ова е прекрасна македонска традиција и мислам дека ние во ЕУ ќе научиме нешто од ова и можеби и ние ќе имаме „Пастрмајлијада“ во Европската Унија , рече синоќа амбасадорот Гир.
На првиот ден од манифестацијата беше подготвена пастрмајлија долга 2 метра, широка еден метар. Овој штипски специјалитет бил испечен како едно парче во најголемата штипска фурна.
