Американскиот претседател Џо Бајден изјави вчера дека руските закани за употреба на нуклеарно оружје во конфликтот во Украина го ставаат светот во ризик од „апокалипса“, за првпат по кубанската ракетна криза.
„Не сме се соочиле со можност за апокалипса од Кенеди и кубанската ракетна криза во 1962 година“, рече Бајден, додавајќи дека верува дека неговиот руски колега Владимир Путин „не се шегувал“ кога ги упатил заканите.
-Путин не се шегува кога вели дека размислува да користи тактичко нуклеарно оружје за да го надомести неуспехот на неговата војска. Не постои начин тоа да се случи и да не резултира со уништување на светот – рече Бајден.
