Доколку се двоумите што да подготвите денес за ручек имаме совршена идеја за вас. Подгответе тиквички полнети со просо, лесна и здрава варијанта на оброк за целото семејство.
СОСТОЈКИ:
– 100 г просо
– 400 мл бистра растителна супа
– 3 средни тиквички
– 3 лажици свежо сирење
– 75 г фета сирење
– 2 големи чешниња лук
– 2 млади кромитчиња
– прстофат сушена мајчина душичка
– 1 јајце
– 50 г рендан кашкавал
– сол и црн пипер
ПОДГОТОВКА:
Просото измијте го, ставете во сад, додајте ја растителната супа и оставете да зоврие. Намалете ја температурата и нека се вари 20-тина минути, односно додека ја впие течноста. Тргнете го садот на страна да се излади. Преполовете ги тиквичките, издлабете ги и ставете ги во намастен сад за печење. Изладеното просо измешајте го со останатите состојки, освен ренданиот кашкавал. Додајте го матеното јајце, зачинете со сол и црн пипер. Со ова наполнете ги тиквичките, посипете ги со рендан кашкавал и печете ги во рерна загреана на 200 степени околу 40 минути.
