Започнавме убава соработка со една врвна готвачка која секое јадење го претвара во магија од вкусови – Теодора Георгиевска.
Оваа извонредна мајсторка и една од највлијателните готвачки на социјалните мрежи кај нас, стои зад бројните рецепти кои ги објавува на профилот „Готвиме со Теа“ – „gotvime.so.tea“.
Теа денес ни подготви тестенини со риба сардина во сос од домати, рецепт кој што секогаш ќе ја потсетува на нејзиното детство.
„Во време на пост беше еден од рецептите кои мајка ми мораше да ни го подготви“.
Потребни состојки:
- 250 гр. шпагети
- 2 конзерви сардина
- 300 гр. маринирани печурки
- 250 мл. доматен сос
- 1 главица кромид
- 2-3 чешниња лук
- масло за јадење
- сол и црн бибер
View this post on Instagram
Подготовка:
Во зовриена вода ставете сол и малку масло и ставете ги шпагетите да се варат. Во меѓувреме почнете со подготовка на сосот. Исецкајте ги кромидот и лукот и ставете ги да се пржат. По 2 до 3 минути пржење додадете ги сардините и пржете уште 2 до 3 минути. Потоа додадете ги печурките, доматниот сос и зачинете. Гответе уште 5 минути и на крај додадете ги сварените шпагети. По желба можете и да додадете ситно исецкан свеж магдонос.
На здравје и уживајте!
(РЕЦЕПТ) ГОТВИМЕ СО ТЕА: Лазања – Уживајте во прекрасните вкусови на Италија
