Велигденските пости кои траат 48 дена се голем предизвик како за верниците, така и за традиционалната македонска кујна. Традиционалното посно мени овојпат сакаме да го збогатиме со нови посни рецепти кои ќе бидат лесни за подготовка и вкусни за да уживате комплетно во постот.
Вргањот е супер здрав избор за ручер, а кога ќе го надополните со зеленчук вкусот е неодолив.
Состојки:
– 400 гр. свеж вргањ
– 300 гр. компир
– 2 големи моркови или 4 помали
– 2 главици кромид
– 1 лажица мешан сув зачин
– 2 лажички шарена сол
Подготовка:
Најнапред измијте го убаво свежиот вргањ и исечкајте го на поситни парчиња. Потоа исечкајте го и кромидот, на ситно коцки, а морковот исечете го на тенки ленти.
Ставете го вргањот убаво да се свари, а додека се вари вргањот, земете една тава, ставете хартија за печење малку масло и наредете ги компирите да се печат. Како ќе ги исечете оставаме на вас, може на половинки може како помфрит.
Во тава додадете 200 милитри вода и 20 милитри масло, па потоа ставете ги да се динстаат сварениот вргањ, кромидот и морковот заедно на тивко додека не поруменат.
На крај зачинете со 1 лажичка мешан зачин и 2 лажички шарена сол. Сервирајте со печениот компир и уживајте во вкусот.
Добар апетит!
