Правењето зимници е работа која бара многу време, па често ги собира сите членови на семејството за да може секој да направи по нешто.
Затоа правењето зимници, исто така, има психолошки ефект и не е најпријатно кога, покрај целиот вложен напор, зимницата ќе се расипе предвреме. Ова се грешки што повеќето луѓе ги прават, и ве советуваме како да ги избегнете.
Не ги стерилизирате теглите правилно
Никогаш не треба да го прескокнувате овој чекор, бидејќи ако шишињата или теглите не се 100 проценти чисти, вашиот напор може да бидат залуден.
Прво, добро измијте ги теглите со сјај за садови, и кога малку ќе се исцедат, избришете ги со памучна крпа. Потоа, загрејте ја рерната на максимум 100 степени, наредете ги теглите во тава така што нивниот отвор да биде свртен надолу и загрејте ги максимум 20 минути.
Користите презрел или оштетен зеленчук или овошје
Важно е плодовите што ги избирате за зимата да бидат цврсти и да не бидат оштетени. Важно е убаво да ги измиете намирниците и да ги исецкате непосредно пред да започнете со правење на зимницата.
Не ги затворате теглите правилно
Дел од испитот на кој повеќето домаќинки паѓаат е секако, доброто затворање на теглите и стерилизација на капакот. Важно е да не го заборавите овој чекор. Најдобар начин за стерилизирање на металните капаци од теглите е да ги оставите да се варат во врела вода. Внимателно и цврсто затворете ги теглите, доколку не можете сами оваа задача препуштете му ја на некој друг.
