Совршена сланина за појадок ќе добиете ако внимавате и на текстурата и на вкусот, а можете да ја приготвите на шпорет, во микробранова или во рерна.
Кој не сака вкусна и крцкава сланина за појадок? Но многу луѓе грешат во начинот на нејзиното приготвување, па не им излегува како што посакувале.
Совршена сланина за појадок ќе добиете ако внимавате и на текстурата и на вкусот, а можете да ја приготвите на шпорет, во микробранова или во рерна.
- Ако пржите сланина за едно или две лица, земете едно-две парчиња во месара или во маркет. Големите пакувања што нема да ги потрошите само ќе се исушат.
- За месото и маснотиите во сланините да се испржат рамномерно, мора да бидат на иста температура.
- Оставете ги парчињата сланина на собна температура 15 минути, бидејќи така подоцна порамномерно ќе се испржат.
- Никако немојте да натрупувате сланина во тавче, туку редете ги парчињата едно до друго. На сланината и’ треба простор за да се испржи убаво и рамномерно.
- Пржењето на сланината на превисока температура од самиот почеток може да доведе до тоа да ја препечете.
- Немојте да ја фрлате маста од сланината, бидејќи е идеална за пржење компири, како додаток во супи или за правење пченкарен леб.
- Најдоброто тавче за сланина е од лиено железо.
- Еден слој сланина ставете во ладно тавче, па пржете го на средно низок оган. Така ќе извадите многу маснотии од сланината, а за тоа треба време.
- Повремено превртувајте ја сланината и оставете ја рамномерно да се пржи.
- Со оглед на тоа што повеќето тавчиња не загреваат рамномерно, преместете ја сланината на другиот дел од тавчето откако ќе ја превртите.
- Кога ќе биде готова, префрлете ја на чинија обложена со салвета за да се впијат вишокот маснотии.
- Сипете ја маста од тавчето во некој сад, најдобро лонче за целосно да се олади.
