Времето и климата почнаа да се менуваат, а вие веќе треба да ја адаптирате грижата и негата за себе на новото годишно време.
Факт е дека кожата реагира поинаку кога е посуво и поладно, за разлика од топлите летни денови кога е под постојано влијание на сонцето.
Поради тоа, најпрво обрнете внимание на дополната хидратација, бидејќи кога е ветровито, кожата доста побрзо се суши.
Нанесувањето хидратантна крема нека биде дел од секојдневниот ритуал за нега, а ако вашата кожа е чувствителна, користете препарати со еластин, колаген или со алое вера.
Задолжително користете серум неколкупати неделно, кој е богат со витамини, активни состојки и есенцијални масла.
Но, не заборавајте да ја негувате кожата околу очите и околу устата со соодветните козметички производи. Во есен, треба да намалите со употреба на пилинзи и ретинол. За почеток, скратете еден третман од вообичаениот месечен број и распоредете го на повеќе денови измеѓу.
Кремата со заштитен фактор и понатаму е задолжителна, бидејќи УВ-зрачењето постои во текот на целата година. За крај, набавете серум или крема збогатени со витамин Ц, кој е многу корисен за кожата во текот на поладните месеци.
