Храната богата со здрави масти како што се бадемите, авокадото и сончогледот помага во хидратацијата на кожата и го спречува оксидативниот стрес и предвременото стареење.
Омега-3 масни киселини
Според нутриционистите неизоставен дел од рутината за убавина треба да бидат омега-3 масните киселини . Тие го забавуваат стареењето, ја обновуваат влажноста на кожата и имаат анти-воспалителни својства. Омега-3 масните киселини го намалуваат воспалението под површината на кожата, со што го забрзуваат лекувањето и го намалуваат ризикот од појава на акни. Вклучете ги намирниците кои се богати со овие киселини во секојдневната исхрана, како што се оревите, авокадото, маслиновото и маслото од кокос и од ореви.
Бадеми
Овие плодови се богати со витамин Е, моќен антиоксиданс кој ја штити кожата од оксидативен стрес и предвремено стареење. Мастите кои ги содржат се совршени за сува и чувствителна кожа. Бадемите ја потхрануваат кожата, ја смируваат иритацијата , а често се користат и во козметичката линија за деца. Се препорачуваат неколку бадеми дневно.
Авокадо
Исто како и бадемите е богато со витамин Е, кој го стимулира производството на колаген одговорен за еластичноста на кожата. Авокадото е одличен антиоксиданс кој го поттикнува отстранувањето на отровите од телото, а мононезаситените киселини, кои ги содржи, ја хидрираат кожата.
Семки од сончоглед
Тие содржат омега-3 масни киселини, кои го спречуваат сушењето на кожата и витамин Е кој го спречува предвременото појавување на брчки. Тие се одличен избор за сува кожа.
Ореви
Покрај тоа што се богати со омега-3 масни киселини, оревите се богати и со витамин Е кој го смирува воспалението и ја спречува појавата на мозолчиња. Тие ја хидрираат кожата и го спречуваат штетното влијание на УВ зрачењето.
Кокосово масло
Тоа не содржи омега-3 масни киселини, но е богато со заситени киселини кои помагаат во зајакнувањето на кожата, затоа и се користи во борбата против стрии. Овие киселини се неопходни за цврста кожа, а најдобар извор се токму оние од растително потекло. Кокосовото масло помага во стимулирање на производството на колаген, кој е одговорен за еластичноста на кожата, чија функција слабее со возраста. Исто така, добро ја навлажнува кожата бидејќи ги врзуваат молекулите на водата за себе, а во вашата кожа се апсорбираат побрзо од лосионите.
Бразилски ореви
Тие содржат селен, антиоксиданс кој штити од воспалителни процеси и ја чуваат еластичноста.
Маслиново масло
Маслиновото масло е богато со витамини А и Е кои штитат од оксидативен стрес, а на тој начин и од стареење. Тоа го подобрува тонот на кожата, ја штити од УВ зрачење и дејствува антибактериски.
