На социјалните мрежи можете да најдете најразлични совети и трикови за нега на кожа и коса, а во последните денови видеата со препораки за употреба на јаболков оцет за нега на коса го преплавија „ТикТок“. Причината за ова лежи во фактот дека оцетот е одлична алтернатива на шампонот и во исто време ја чисти косата и помага при зајакнување.
Јаболковиот оцет освен што можете да го користите во кујната, можете да го користите и во разни третмани за убавина. Од домашни маски за лице и третмани за акни до лекови поврзани со здравјето како детоксикација и намалување на шеќерот во крвта.
Иако не станува збор за некој нов метод, се чини огромен број корисници ширум светот само што го открија ова, па оттаму многумина ги споделуваат ефектите од миење на косата со јаболков оцет.
Оцетот е полн со витамини Б, биотин, фолна киселина и витамин Ц, и може да помогне при првут, оштетена коса, и да обезбеди чувствително чистење. Делува на се – од скротување на кадрици до зајакнување на косата, до подобрување на здравјето на скалпот и многу повеќе.
Без оглед на тоа каква коса имате, ова може да ви помогне да ги зајакнете фоликулите на косата. Миењето со јаболков оцет може да биде одлична алтернатива на шампонот ако не сакате да ја миете косата толку често. Во аптеките, можете да најдете разни производи за нега кои содржат јаболков оцет, но тие претежно содржат и други не толку благи состојки.
Овој вид на миење на косата функционира како и секој обичен шампон, со една голема разлика: јаболков оцет не создава пена. За да ја подготвите смесата, потребно е да измешате неколку лажици оцет со вода. Истурете ја смесата рамномерно врз косата, тријте во скалпот и оставете да отстои неколку минути, а потоа исплакнете.
