-3.2 C
Скопје
23:44 - 8 февруари, 2023

Откриен најефикасен лек за слабеење: И за губење килограми треба да се биде богат

Доколку ФДА ја потврди ефикасноста на лекот, „фер“ цена за тирзепатид може да биде околу 13.000 долари годишно или околу 1.100 долари месечно.

Лекот за слабеење од американската фармацевтска компанија „Ели Лили“, доколку биде одобрен, би можел да стане најпродаваниот лек на сите времиња. Штета што, најверојатно, само богатите ќе можат да си го дозволат. Здравствените експерти се надеваат дека лекот, наречен тирзепатид, ќе добие одобрение од Управата за храна и лекови следната година.

Годишната продажба на тирзепатид би можела да достигне рекордни 48 милијарди долари, според проценката на аналитичарот на „Бенк оф Америка„ Џеф Меахам. Друг аналитичар пак, Колин Бристоу од Волстрит, процени дека лекот ќе достигне годишна продажба од 25 милијарди долари, а таа бројка ќе го надмине рекордот од 20,7 милијарди долари поставен од лекот за ревматоиден артритис „Хумира“ во 2021 година.

Кели Смит, портпаролка на „Ели Лили“, одби да коментира колку ќе чини лекот за слабеење тирзепатид.
– Доколку ФДА ја потврди ефикасноста на лекот, „фер“ цена за тирзепатид може да биде околу 13.000 долари годишно или околу 1.100 долари месечно, рече д-р Дејвид Ринд, медицински директор на Институтот за клинички и економски преглед, истражувачка група која помага во одредување правични цени за лекови.

Како функционира? Наречен е GLP-1 агонист и имитира хормон кој помага да се намали внесот на храна и воопшто да се намали апетитот. Но, имитира и втор хормон, наречен ГИП, кој освен што го намалува апетитот, може да го подобри и начинот на кој телото ги разградува шеќерите и мастите. Клиничкото испитување од трета фаза покажа дека високата доза на тирзепатид им помага на пациентите да изгубат во просек 22,5% од нивната телесна тежина, подобро од кој било лек моментално достапен на пазарот. Дополнително, лекот во помала доза се очекува да биде одобрен и за третман на дијабетес.

Слични објави

(Фото) Нашата Тијана Петреска се враќа со титула од светскиот избор за најубава студентка

Еспресо

(Фото) Мадона во нејзин стил се пресмета со зајадливите коментари – „Поклонете се кучки“

Еспресо

(Фото) Тажното писмо на Бланко со кое се извинува за скандалот на Сан Ремо: „Ве оставив во солзи како мајка ми, ме видовте кревок како дете…“

Еспресо

(Видео) Полуден пејач направи ‘ршум на Сан Ремо, ја шокираше публиката, го испратија со свирежи

Еспресо

Ѕвезите ќе им помогнат: Два хороскопски знаци многу брзо ќе ги исполнат соништата

Еспресо

Славчо Попоски: Грч студени утра, висок воздушен притисок, а еве кога ќе има мал пораст на температурите

Еспресо
Се вчитува....