Исфрлете ги токсините од организмот, а со нив и мастите, со помош на овој вкусен напиток.
Ќе ослабете и ќе се чувствувате подобро, ќе имате повеќе енергија и елан, кои се така неопходни за пролетта пред нас. За неговата подготовка потребно ви е: 1 литар вода, 1 грејпфрут, 1 мандарина, 1 краставица, 4-6 големи листови свежо нане и лед.
Краставицата исецкајте ја, грејпфрутот и мандарината излупете ги и исцекајте ги на кришки, ставете ги сите во стаклен бокал, прелијте ги со водата и ставете ги во фрижидер. Оставете да отстои преку ноќ, па утредента промешајте и пијте ја течноста преку целиот ден.
Ако ве интересира како овој напиток така благотворно делува на организмот, еве објаснување: грејпфрутот изобилува со витамин Ц, а содржи и витамини А, Е, К, витамини од Б групата, како и флавоноиди кои имаат антиоксидативно дејство. Притоа е богат со калциум, фолна киселина, фосфор и калиум. Мандарината го нивелира шеќерот во крвта и ја забрзува потрошувачката на калории. Краставицата го зголемува чувството на ситост. Со оглед на тоа дека е природен диуретик, ја намалува надуеноста и го чисти телото од токсини. Нането го забрзува варењето и го смирува желудникот.
