Симптомите се различни кај различни луѓе, но најчестиот симптом е дека не можете да се движите иако сте будни. Некои луѓе може да доживеат отежнато дишење, притисок во градите, па дури и халуцинации.
Ако некогаш сте се разбудиле свесни за вашата околина и фактот дека не спиете, но сепак не можете да се помрднете, можеби сте слушнале гласови или дури сте виделе работи што ги нема во собата, веројатно сте доживеале парализа во сон.
-Парализата при спиење е бихевиорална состојба во која сте свесни, но вашите мускули се парализирани. Тоа е многу непријатна состојба зашто не можете да се движите и свесни сте за вашата неспособност да ги активирате мускулите – објаснува психијатарот и специјалист за спиење д-р Ерик Нофцингер.
Покрај тоа, понекогаш може да се појават и халуцинации, но нема сомнеж дека тоа е застрашувачка состојба, а некои дури ја припишуваат на нивните натприродни способности и тврдат дека гледале демони и комуницирале со нив.
Но, што всушност предизвикува таква состојба и дали постојат начини да се избегне? За HelloGiggles, експертите објаснуваат како да се справите со овој проблем.
Што предизвикува парализа во сон?
Невропсихологот д-р Санам Хафез од Њујорк смета дека парализата при спиењето е предизвикана од состојба помеѓу будност и сон. Мускулната парализа обично се јавува за време на РЕМ фазата на спиењето која експертите ја поврзуваат со сонување.
-Оваа парализа го штити човекот спречувајќи го неговото движење за време на спиењето и му овозможува да остане мирен за време на одмор – вели д-р Хафиз.
Дали сте ја доживеале?
Парализата во сон е застрашувачка, но всушност не може да нè повреди
Оваа состојба ја доживувате иако сте будни. Никој со сигурност не знае зошто се јавува парализа при спиење, а некои експерти ја поврзуваат со семејното наследство. Ако некој од членовите на семејството ја имал оваа состојба, постои веројатност дека и неговите потомството ќе ја има. Д-р Хафез, исто така, верува дека состојбата е поврзана со некои ментални проблеми како што се анксиозност, паника и биполарно растројство.
-Важно е да се истакне дека парализата при спиење многу ретко се поврзува со психијатриски болести – вели д-р Хафиз.
Кои се симптомите на парализа на спиење?
Симптомите се различни кај различни луѓе, но најчестиот симптом е дека не можете да се движите иако сте будни. Некои луѓе може да доживеат отежнато дишење, притисок во градите, па дури и халуцинации што предизвикуваат страв.
-Халуцинациите се најчесто привремени и предизвикани од невролошки нарушувања во моментот кога се појавуваат. Можеме да ги класифицираме во три категории. Во првата категорија халуцинациите се поврзуваат со чувство на заканувачко присуство, кога имате чувство како некој друг да е во собата. Во следната категорија халуцинациите се поврзуваат со чувство на притисок во градите кога имате впечаток дека се гушите, а често двете категории се поврзани и се јавуваат истовремено – вели д-р Хафиз, додавајќи дека третата група халуцинации се оние поради кои имате впeчаток дека се движите или доживувате вонтелесни искуства.
Иако се работи за многу непријатни чувства, доктор Хафез објаснува дека ова искуство не претставува сериозен ризик за здравјето.
Како се лекува парализата при спиење?
-Најдоброто нешто што можете да го направите за да спречите парализа при спиење е добра хигиена на спиење и редовно опуштање пред спиењето, на пример со капење. Намалете го внесувањето на алкохол и кофеин и отстранете ги сите електронски уреди најмалку три часа пред спиење – советува д-р Нофзингер, објаснувајќи дека на тој начин ќе се намалат потенцијалните фактори што придонесуваат за парализа во сон, како ненаспаност, анксиозност и стрес.
– Проверете кои стресни фактори би можеле да го попречат вашето спиење – вели д-р Нофцингер.
Кога станува збор за хронични проблеми, експертите се согласуваат дека треба да побарате совет од доктор. Д-р Хафиз препорачува консултации со психотерапевт или специјалист за спиење.
-Докторот што се занимава со проблемите при спиење може да утврди дали има некакви состојби што предизвикуваат парализа во сон, како што е нарколепсијата. Но, секако смирува фактот дека парализата при спиење не е трајна состојба, вели тој.
Затоа, за да ја избегнете, испробајте методи што ќе ви овозможат полесно заспивање и поцврст сон, а доколку тоа не помогне, побарајте стручен совет.
