Настанувањето на црвенило кое е придружено со чувство на печење и чешање на интертригинозните подрачја почесто се појавува кај дебелите луѓе, малите деца, лицата што интензивно се потат и кај заболените од дијабетес.
View this post on Instagram
Интертриго може да се појави во кој било период од годината и независно од возраста, а се јавува многу често. Влажните делови од кожата што меѓусебно се тријат, предизвикуваат создавање кожни повреди во форма на дамки, а така иритираната кожа е склона на инфекции и габички.
Вообичаени места на кои се појавува:
– Пазувите
– Кожните набори под градите
– Подрачјето на гениталиите
– Местата помеѓу прстите
– Набори на кожата на стомакот
Симптоми на интертриго:
– Црвено-кафеав осип
– Сува, чувствителна или влажна кожа на одредени места
– Непријатен мирис
– Испукана кожа
Каде уште може да се појави?
Интертриго може да појави на кое било место каде што кожата се допира, а кај децата најчесто се појавува во облик на пеленски осип.
– помеѓу ножните прсти
– препоните
– под градите и стомакот
– задникот
Ако сте забележале симптоми, обратете се кај вашиот лекар кој, исто така, може да утврди дали станува збор и за инфекција.
Што го предизвикува овој осип?
Овој воспалителен процес може да го предизвикаат и да го влошат многубројни фактори, а тие вклучуваат:
– влага
– топлина
– недостаток на циркулација на воздухот
– триење на кожата
