Околу 442 милиони луѓе ширум светот страдаат од дијабетес. Многу од нив прибегнуваат кон алтернативни начини за намалување на нивото на шеќер во крвта, а еден од нив е употребата на јаболков оцет.
Се поставува прашањето колку всушност е корисен јаболковиот оцет кога станува збор за овој здравствен проблем. Една студија објавена во списанието на „American Diabetes Association“ за дијабетес покажа дека оваа изјава е вистина. Студијата ја воделе Керол С. Џонсон, Синди М. Ким и Аманда J. Булер.
Испитаниците консумирале оброци кои се состојат од печива, путер и сок од портокал. По оброкот, земале јаболков оцет или плацебо. Истражувачите го проверувале нивото на гликоза во крвта (шеќер) 30 и 60 минути по оброкот. Откриле дека оцетот значително го намалува нивото на гликоза во крвта после оброк. Неколку други студии, исто така, дошле до истиот заклучок.
Се разбира, оцетот не може магично да излечи дијабетес, но може умерено да го намали нивото на гликоза. Не е замена за лекови за дијабетес, но е доволно безбеден додаток на планот за лекување на оваа болест. Имајте на ум дека не треба да го користите доколку имате проблеми со бубрезите.
