Во народната медицина ова овошје се смета за заштитник на здравјето и важи за најдобар третман на воспаленија на уринарниот тракт.
На иститот принцип, брусницата го чува здравјето и на желудникот и дуоденумот, заштитувајќи ги од патогената бактерија Хеликобактер пилори, која често предизвикува чиреви.
Исто така, киселоста што ја содржи брусницата, дополнително ја нарушува активноста на патогените бактерии.
Брусницата е меѓу оние овошја кои се исклучително богати со антиоксиданси. Богата е со антоцијанини, флавоноиди, проантоцијанидини, танини, фенолни киселини и друго.
Консумирањето брусница помага во пречување на рак на дебелото црево и леукемија. Покрај тоа, обезбедува и заштита од кардиоваскуларни болести. Помага да се намали концентрацијата на „лошиот“ холестерол во крвта. Исто така, нејзините киселини и флавоноли се врзуваат за холестеролот спречувајќи ја неговата оксидација иницирана од тешки метали.
Важно е да се напомене дека брусницата помага и при заштита од грип, нарушувајќи го развојот на некои видови габи.
Вредноста на активните супстации ја препознале и од фармацевтската индустрија, а денес на пазарот има разни видови производи со активни материи од брусница неменети за заштита на здравјето.
Резултатите од научните истражувања потврдуваат дека флавонолите и проантоцијанидините од брусницата имаат антиинфламаторно дејство за дигестивниот тракт, но влијаат и на микрофлората во устата. Со своето дејство тие спречуваат развој на несакани бактерии.
Брусницата можете да ја комбинирате во сосови за месо, фил за месо, мешани гарнири, салати, компоти и десерти.
