На поранешна ѕвезда на серијата „Досон Крик“, Џејмс ван дер Бик, му бил дијагностициран рак на дебелото црево, пишува „Пипл“.
„Имам рак на дебелото црево. Со оваа дијагноза се справив приватно и правам сè за да оздравам, со поддршка од моето неверојатно семејство“, изјави 47-годишниот актер за американскиот магазин. „Се чувствувам добро и имам причина да бидам оптимист“, додаде тој.
И покрај дијагнозата, Ван дер Бик продолжи да работи неодамна. Неодамна се појави во една епизода „Walker“, а наскоро треба да излезе и филмот „Sidelined: The QB and Me“, во кој тој глуми. Во декември, тој треба да се појави во „The Real Full Monty“, двочасовна специјална програма во која група познати мажи се соблекуваат за да ја подигнат свеста за тестирање и истражување за рак на простата, тестисите и дебелото црево.
Тој вели дека целото слободно време го поминува со сопругата Кимберли Ван Дер Бик и нивните шест деца: Оливија, Џошуа, Анабел, Емилија, Гвендолин и Џеремаја.
Инаку, Џејмс ван дер Бик е најпознат по неговата улога како Досон Лири во хит тинејџерската серија „Досон Крик“ (1998–2003), која му донесе меѓународна слава.
