Пејачот Жељко Шашиќ има ќерка Софија од бракот со Соња Вуксановиќ. Иако во минатото нивниот однос не бил најдобар, денес тој со гордост вели дека Софија е воспитано и вредно дете.
„Софија е големо дете, многу културна, вредна и воспитана. Толку многу работи што и не се гледаме“, изјави Шашиќ за „ТВ Адриа“.
Тој призна дека порано му било жал што нема повеќе наследници, но денес гледа поинаку:
„Кога бев помлад, ми беше жал. Сега, кога ќе видам колку е сето тоа околу децата комплицирано, сè помалку ми е жал. Имам многу деца околу мене – од роднините, од бебиња до деца од десет години и со задоволство поминувам време со нив. Им раскажувам приказни, ги забавувам додека можам“, раскажува пејачот.
За ќерката додава дека многу работи наследила од него:
„Софија се роди кон крајот на 1999 година. Соња беше млада мајка, јас имав триесет години. Бев неуморен татко, ништо не ми беше тешко и буквално 24 часа се занимавав со неа. Мислам дека и денес, колку е активна, тоа го носи од тој период. Јас порано бев човек кој дома доаѓаше само да преспие, а сега сум семеен тип. Се надевам дека и таа ќе се смири, бидејќи постојано е во трка со времето, а ако ја побараш или е некаде или мора некаде да оди. Тогаш си велам таа е цела на мене“, вели Шашиќ за „Гранд“.
