Две години по избивањето на скандалот, во Лондон започна судењето на Колин Руни и Ребека Варди, сопруги на познатите англиски фудбалери Вејн Руни и Џејми Варди, кои британските медиуми ги нарекоа „Wagatha Christie“.
Лажни приказни на Инстаграм, обвинувања за објавување вести во медиумите, обвинувања за клевета… се столбот на случајот што британските медиуми го нарекоа судење на деценијата.
Ребека Варди, сопругата на напаѓачот на Лестер Сити, ја тужи Колин Руни за клевета, откако јавно беше обвинета за давање лажни приказни за медиумите во 2019 година. Судењето е во тек, а на листата на сведоци е и поранешниот англиски фудбалер Вејн Руни.
View this post on Instagram
По воведните забелешки од двата адвокатски тима, Варди седна на говорницата на сведокот и се соочи со прашања од адвокатот кој ја застапува Колин Руни. Таа рече дека се согласува дека е „погрешно“ и „вознемирувачко“ некој тајно да пренесува туѓи приватни информации и рече: „Никому ништо не објавив во јавност“.
View this post on Instagram
На прашањето дали ја почитува туѓата приватност, Варди одговори: „Да, ја почитувам“. Адвокатката потоа се осврна на интервјуто што го дала за „News of the World“ во 2004 година, во кое открила детали за нејзината наводна сексуална врска со поп-ѕвездата Питер Андре.
Адвокатот прочитал извадоци од написот во кој, Ребека Варди тврди дека Андре издржал „само пет минути“ за време на нивниот сексуален чин и изјавила дека ја имал „најмалата опрема што таа ја видела“, како и дека изгледал како „минијатурен колбас“.
View this post on Instagram
Адвокатот потоа ја прашала Варди дали и давањето на ова интервју е израз на почит кон Андре.
– Поранешниот сопруг ме натера на тоа. Тоа е нешто за што длабоко жалам… Не е убаво тоа да се чита и разбирам зошто го користите сега. Ова е навистина валкано, но и тимот на госпоѓа Руни изнесуваше „валкани“ приказни за мене – одговори Варди.
View this post on Instagram
Подоцна изјавила дека не барала дозвола од Андре, ниту му кажала што направила. Адвокатот потоа ја прашал дали се чувствувала силна поради објавувањето информации за неговата машкост, а таа одговорила дека тоа е „нешто што била принудена да го каже“.
Таа, исто така, објаснила дека била на одмор во Дубаи во 2019 година кога ја видела објавата на Колин на Инстаграм во која е обвинета дека објавува лажни приказни.
