Го чекаше цели четири месеци. Час по час, ден по ден. Но, тоa, кафеавоto куче со многу слатки очи, ниеднаш не се помрднa од вратата на таа болница: неговиот сопственик, бездомник, кој беше тешко избоден со нож во јавен парк во Сао Паоло, Бразил, беше внесен внатре.
Кучето ја следело брзата помош трчајќи, со милји, до болницата Санта Каса де Ново Хоризонте, а потоа седнало пред влезната врата со надеж дека неговиот човек, пријател, наскоро ќе излезе. Но, тоа никогаш не се случи: човекот почина неколку часа подоцна од многу сериозни повреди.
Кристин Сардела, која го видела кучето пред болницата, побарала информации и некој ѝ ја раскажал приказната за кучето со скршено срце, па таа ја споделила на социјалните мрежи: „Имаме толку многу да научиме од животните – пишува Кристин – Ова куче секој ден седи пред вратата од болницата чекајќи го својот сопственик, кој за жал почина. Знам дека го хранат некои луѓе. Неговото чекање е залудно, но љубовта што ја негува кон својот сопственик е вечна. Ја забележував и почитта што персоналот во болницата ја има кон него. И така, животот продолжува, животните ги учат луѓето на вистинска љубов“.
Благодарение на нејзината објава на социјалните мрежи, кучето го зеде здружение за права на животните и за кратко време едно семејство го посвои. Но, не можејќи да се прилагоди на својот нов живот, кучето избегало за да продолжи со потрагата по својот сопственик.
„Тоа е многу тажна приказна – продолжува Сардела -. Тој беше посвоен по мојата објава, но побегна и никој денес не знае каде е“.
