Војводата и војвотката од Сасекс им даваат на фановите интимен поглед на нивниот свадбен дочек во новиот трејлер за серијата на Нетфликс, Хари и Меган, која премиерно беше прикажана минатата недела и ќе продолжи со епизодите од 4та до 6та во четврток, на 15 декември.
Принцот Хари (38) и Меган (41) беа фотографирани како се вртат на подиумот за време на забаватаво Фрогмор Хаус, Виндзор, каде всушност свадбената веселба продолжи по службата во капелата Сент Џорџ и дочекот за ручек во замокот Виндзор.
Зборувајќи во претстојната епизода, Меган објаснува дека сакале нешто лесно и енергично за нивниот прв танц:
„Сакав музиката да биде забавна за нашиот прв танц“, вели таа, пред да го забавува Хари пеејќи дел од песната: „Тоа беше нашиот прв танц. Беше многу забавно, се вртевме како виор. Беше прекрасно”.
На ексклузините фотографии од настанот се гледаат Хари и Меган понесени од музиката додека бендот свири на сцената зад нив. А во позадина е низа од познати пријатели и роднини на парот.
На една фотографија, Меган му се насмевнува на Сер Елтон Џон, додека нејзината најдобра пријателка Миша Нону, стилистка, гледа во кралскиот пар во друштво на нејзиниот сопруг Мајк Хес, наследник на американскиот гигант „Хес Оил“. Друга сцена прикажува две нејзини блиски пријателки, колешката од Suits, Абигејл Спенсер (која се појавува во документарецот на Нетфликс) и Џесика Малруни (чија ќерка Ајви беше деверуша на свадбата) како позираат на масата полна со јадење.
Потоа, тука е фотографијата од згодниот принц Хари со откопчана кошула, позирајќи прегрнат со некои од неговите најблиски пријатели. Последната снимка ги прикажува Мајк и Зара Тиндал како настапуваат на преполниот подиум за танцување.
Првите три епизоди од серијата која се емитува на Нетфликс, премиерно на 8 декември, ги прикажуваа раните денови на врската на парот, од нивниот прв состанок до предлогот за брак на Хари во палатата Кенсингтон.
Серијата, исто така, покажа снимки од детството на Хари и Меган, откривајќи како нивното потекло и семејства ги обликувале во тоа што тие станале. Во епизодите се допреа и теми како што се расизмот, Британската империја и улогата на британскиот печат во одлуката на војводите од Сасекс да го напуштат кралското семејство.
Третата епизода заврши со подготовките за венчавката на парот во мај 2018 година. Трејлерот сугерира дека четвртата епизода ќе започне од тука, на задоволство на нивните обожаватели кои ќе можат да ги дознаат деталите за приватната свадбена прослава што се одржа во голема тајност.
