– Под влијание на нов влажен но и СТУДЕН бран од север, денес попладне и навечер од запад повторно ќе се прошират врнежи од дожд, додека на планините и на повисоките места ќе има врнежи од снег. Ќе дува слаб до умерен а Долж Повардарието повремено засилен ветер од северен правец.
Температурите позначително ќе опаднат во текот на ноќта а утре ќе бидат пониски и максималните дневни температури кој ќе се искачуваат во интервалот од 5 до 10 степени. Наутро температурите само понекаде ќе се спуштаат за некој степен под нулата. Повремено врнежи ќе има во текот на оваа недела и истите повремено ќе бидат поинтензивни.
Сепак особено од четврток очекуваме повторно ПОГОЛЕМО ЗАТОПЛУВАЊЕ на времето и јужен ветер. Температурите од четврток ќе бидат НЕВООБИЧАЕНО ВИСОКИ и ќе се искачуваат во интервалот од 12 до дури 17 степени – вели метеопрогнозерот Славчо Попоски.
