Десетте артисти од рап составот „Доуп Куќата“ денес лансираа мајтап песна за Пике, насловена Por qué Piqué?
„Ја иам нешто да те прашам тебе. Порке Пике, порке, порке?“…
Да не ви ја раскажуваме, повелете слушнете го текстот за типот на кој „цела Барса ти се смее, бе…“
Инаку, зад Доуп Куќата стојат Лав-от, Гаго, Лас Веѓас, Лукс Кмала, Боббсс, Петелјаваше, Јасмин, Пики, ВецВајсВерс и Вуиса.
Десеттемина артисти од „Доуп Куќата“ се рапери и врапери, „инди-вудуи“, творци и носители на нов звук што грми во сосема спротивна насока од музичките тралалајкари, медиокритети и комерцијалисти. Сите се со различна професија, а тоа што ги поврзува, освен музиката, е истата освестувачка енергија, крајно позитивна, но истовремено и разорна спрема лицемерието што нè опкружува, со толку сурова искреност во поезијата што уверува дека имаме кому да се потпреме кога нивното време навистина ќе дојде во сите сфери на општеството. А, неминовно доаѓа.
