Поп-иконата се појави на фестивалот Коачела среде песната „Juno“ на Сабрина Карпентер, а откако пејачката ја праша публиката „Дали некогаш сте го пробале ова?“, двете заедно го изведоа легендарниот хит на Мадона „Vogue“ од 1990 година.
Настапот потоа вклучуваше и песна за која се верува дека е од претстојниот албум на Мадона „Confessions II“, но деталите и насловот сè уште не се познати. Вечерта беше заокружена со спектакуларен дует на безвременскиот хит „Like a Prayer“.
„Сабрина, ти благодарам многу што ме покани во твоето шоу“, рече Мадона, на што видно воодушевената Карпентер одговори: „Нема на што, Мадона. Ти можеш да имаш сè што сакаш“.
Поп-иконата потоа се пошегува дека ѝ е мило што конечно настапува со некој што е понизок од неа, а потоа сподели и емотивно обраќање до публиката.
View this post on Instagram
„Имам неколку работи што сакам да ги кажам. Пред точно 20 години настапив на Коачела. Бев во танцовиот шатор и тоа беше првпат да ја изведам ‘Confessions on a Dance Floor’ во Америка“, рече Мадона.
„Тоа за мене беше огромна возбуда, па можете да замислите колку ми значи што се вратив 20 години подоцна – во истите чизми, истиот корсет и истата „Гучи“ јакна. Ова е момент на заокружување, многу значаен за мене.“
View this post on Instagram
Во неочекуван момент, Мадона ѝ даде и астролошки совет на публиката:
„До крајот на месецот, да се потрудиме да се согласуваме“, рече таа, додавајќи: „Очигледно треба да избегнуваме конфликти додека некои планети не се поместат од Овен.“
Своето обраќање го заврши со порака за силата на музиката:
„Најубавото кај музиката е што ги спојува луѓето. Тоа е единственото место каде луѓето ги оставаат разликите на страна, се опуштаат и едноставно се забавуваат заедно. Воодушевена сум што сум дел од тоа искуство што ги обединува луѓето.“
