Овогодинешниот натпревар за песна на Евровизија официјално се отвори синоќа во Базел, Швајцарија, со што официјално започна неделата на музички спектакл. По тиркизниот тепих прошетаа учесници од 37 земји од целиот свет, а меѓу нив се издвои претставникот на Србија – Стефан Здравковиќ, попознат како Принцот од Врање, пишува српски „Мондо“.
По свеченото дефиле, Принцот од Врање имаше можност да разговара со Кончита Вурст, победничката на Евровизија во 2014 година. Нивната средба била срдечна и полна со емоции – се држеле за раце и разменувале насмевки, додека Кончита отворено ги покажала своите симпатии и воодушевување кон српскиот натпреварувач.
– Сè држиш во раце и тоа изгледа фантастично – рекла Кончита, а Принцот од Врање ѝ се заблагодарил и ја прашал како е:
– Јас сум фантастично. Ја сакам Евровизија, уживам тука, запознавам луѓе. Ја користам оваа привилегија за да можам да се запознаам со кого сакам.
View this post on Instagram
Потоа Принцот од Врање ѝ изразил на Кончита колку е благодарен за нејзините убави совети.
– Ова многу ми значи. Неверојатна си и ти благодарам за сè што правиш. Навистина си најдобра и многу ми е мило што те гледам во живо. Може ли да те прегрнам? – прашал Принцот од Врање, а Кончита секако се согласила:
– Многу се радувам на твојот настап – му рекла таа на крајот.
Да потсетиме, Принцот од Врање прошета по тиркизниот тепих со своите танчари, а она што беше коментирано беше неговата коса, која е негов заштитен знак.
Претставникот на Србија ќе настапи во второто полуфинале, закажано за 15 мај, и токму под тој број ќе се појави на сцената.
