Хрватскиот претставник на Евровизија Марко Пуришиќ познат како Бејби Лазања се појави на плоштадот Бан Јосип Јелачиќ во Загреб каде го чекаа неколку илјади луѓе. Пејачот денеска ја напушти Шведска, а судејќи според видеата од социјалните мрежи, во Хрватска го дочека вистински спектакл.
Колку се воодушевени од неговата изведба и песната „Рим Тим Таги Дим“ потврдува и тоа што сите ја пееја наглас и се радуваа со него.
Кога се искачи на сцената, Марко не можеше да поверува што гледа.
– Очекував 20-тина луѓе на аеродромот и тоа е тоа – рече тој, а насобраната публика не престанаа да врескаат. Глетката целосно го разнежни, порада што се расплака.
Насобраната маса луѓе упорно извикуваше еден збор – победа!
#Eurovision2024 #babylasagna pic.twitter.com/T1Ce6cVEDO
— Marin Versic (@VersicAJB) May 12, 2024
Хрватскиот претставник потоа двапати ја испеа песната со која го освои второто место на Евровизија.
ХРТ јавува дека на плоштадот Бан Јелачиќ е и хрватскиот премиер Андреј Пленковиќ.
This is the proof that marko aka baby lasagna is our winner and the real winner of yesterday’s final. Thousands and thousands of people are waiting for him on the main square in Zagreb. Idc but but for me croatia is the winner of esc 2024🇭🇷
— maria 🇭🇷 (@maria838289191) May 12, 2024
Да потсетиме, по заминувањето од шведскиот град Малме, пејачот се огласи на својот инстаграм-профил.
– Наскоро заминуваме, само сакам да им се заблагодарам на сите. Кога ќе слетаме, ќе бидеме со хрватските навивачи. Нема да можам да ви се заблагодарам соодветно, но… – рекол тој.
Бејби Лазања изјави дека е горд на својот успех, особено затоа што доби најмногу гласови од публиката.
