Хрватската пејачка Северина за новогодишната ноќ настапуваше во Котор, Црна Гора, каде со една реченица успеа да направи скандал. Пејачката ги изведе своите најголеми хитови, а на полноќ ја отпеа познатата песна „Иванова корита“. Таа на крајот од концертот ѝ ја честиташе Новата година на публиката и извика: „И не ја давајте Црна Гора!“, предизвикувајќи лавина коментари и критики на социјалните мрежи.
Сега продолжуваат препукувањата за нејзиниот извик, кој многумина го окарактеризираа како „антисрпски“. Откако Северина ја испеа споменатата песна, која во оригинал ја изведува српската пејачка Мерима Његомир, ѝ се обрати Љубица Његомир, ќерката на покојната ѕвезда на народната музика.
„Таа ја пее песната на мајка ми, српска пејачка, која е напишана и компонирана од Србин“, започна Љубица, а потоа појасни: „Пејачка од ХР на настап во ЦГ пее песна што настанала во Србија, повикувајќи на омраза кон таа земја. Обид да се создаде кавга и да се поттикне лошо меѓу народите. Потеклото на мајка ми или на кој било друг не е тема. Ја сакам ЦГ. Нека пее кој што сака!“ додала таа.
Osecam potrebu da objasnim sledece:
Pevacica iz HR na nastupu u CG peva pesmu koja je nastala u Srbiji pozivajucu na mrznju prema toj drzavi. Pokusaj zavade i podstrekivanja loseg medju narodima. Poreklo moje mame ili bilo koga nije tema. Ja volim CG. Neka peva ko sta hoce! https://t.co/wA5WIFcpU8— Ljubica Njegomir (@LjubicaNjegomir) January 2, 2024
Северина за новогодишната ноќ настапи во Котор, каде се собраа повеќе од 30.000 луѓе, а во Црна Гора друштво ѝ правеше синот Александар, кој го доби од врската со српскиот бизнисмен Милан Поповиќ.
Нејзиниот коментар многумина го протолкуваа како провокација, па на социјалните мрежи ја нападнаа дека е дел од „антисрпското лудило“.
„Што е следно? Северина изјави дека Црногорците имаат право на постоење? До кога со ова антисрпско лудило??? Со еден Србин доби син, беше мажена за друг…“, напишал некој на социјалната мрежа Икс (поранешен Твитер).
Клипот со брзина на светлината се прошири на социјалните мрежи.
Gospođetina Severina! pic.twitter.com/nZGq5G6Otg
— peroviceva 🇲🇪👆 (@_peroviceva) January 1, 2024
