Денес е 14-годишнина од трагичната смрт на нашиот Тоше. Денес, неговите пријатели, соработници, колеги и вечни обожаватели споделуваат емотивни пораки и фотографии во знак на непребол за прераното заминување. Зар може некој да те замени, Тоше?
View this post on Instagram
Нашата актерка и водителка Весна Петрушевска на својот инстаграм – профил објави видео од едно телевизиско гостување на Тоше во нејзината емисија, на која Проески свири на клавир и изведува песна во дует со Бени Шаќири.
– 14 години без тебе и пак врне… Оваа песна ми е особено драга од милион наши причини …па како се договаравте да ја отпеете, многу сакав заедно нешто да направите….има толку приказни за секоја наша средба…детали, насмевки, тајни, горчини ..си ги чувам за себе така е најарно. Те сакам до небото и назад, стои во описот на објавата на актерката.
View this post on Instagram
Нашата позната пејачка Карoлина со изведба на песната Илузија од Тоше свирејќи на пијано во нејзиниот дом му оддаде почит на овој тежок ден на својот колега.
– Песнава му ја засакав уште кога ја слушнав демо снимката пред повеќе од 20 години… Можеби не е од неговите најголеми хитови, но мене секогаш ме враќа во едно преубаво време и ми буди прекрасни спомени… Напишана од чичко Кире (Костов)… „Илузија“. За Тоше, стои во описот на објавата на Гочева.
View this post on Instagram
– Ти почина без да умреш, а ние умревме без да починеме…, стои во описот на фотографијата со Тоше која Игор Џамбазов ја објави на својот инстаграм -профил.
View this post on Instagram
– И овој октомври нема боја откако замина ти засекогаш. Единствена боја се спомените во твојот боженствен глас кој го остави во своите песни, да не потсетиш дека ништо не поминува, зошто смртта сама по себе не е крај. Некако си тука, како никогаш да не замина, стои во описот на црно белата фотографија на која Калиопи го прегрнува Тоше, а на втората фотографија двајцата се сликани со нивни фан.
View this post on Instagram
Тамара Тодевска во спомена на Тоше објави негова фотографија, проследена со поезија.
–Еден човек – Гане Тодоровски. Има еден има еден Многу многу многу човек – Белки цело човештво?! Чунки живо божество?!…
View this post on Instagram
Елена Ристеска сподели фотографија на својот инстаграм – профил во спомен на Проески на која е фотографирана до слика – фотографија во големи димензии од нашата најголема ѕвезда.
View this post on Instagram
Пејачките Антониа Гиговска и Лина Пејовска во негов спомен изведоа во живо песни преку инстаграм – стори, а Викториа Лоба ја сподели објавата за Тоше од Слободен печат.
