Златната палма на 76. Кански филмски фестивал ја доби филмот „Анатомија на падот“ на француската режисерка Жастин Триет.
Во тој филм, како и во исто така наградениот филм „Зона на интерес“, главната улога ја има Германката Сандра Хилер.
View this post on Instagram
Златната палма на 76. Кански филмски фестивал ја освои филмот „L’ anatomie d’une chute“ (Анатомија на падот), напната судска драма за писателка обвинета за убиство на нејзиниот сопруг. Двојката има слепо момче кое наводно било надвор од куќата во моментот на убиството. Драмата не се фокусира премногу на решавање на злосторството, туку се занимава со границата помеѓу фикцијата и реалноста и распадот на бракот.
Режисер е Французинката Жустин Триет, а филмот го носи силната изведба на германската актерка Сандра Хилер, позната на пошироката публика по улогата во филмот „Тони Ердман“. Во овој филм, клучната улога ја игра бордер коли во улогата на Месија – кучето што ја доби наградата Palm Dog еден ден претходно.
Триет е само третата жена која ја освоила главната награда на Канскиот филмски фестивал. Наградата и ја врачи холивудската легенда Џејн Фонда, а во таа прилика се присети на првиот пат кога дошла во Кан во 1963 година: „Тогаш немаше жени режисерки кои се натпреваруваа и не ни падна на памет да помислиме дека е погрешно. Изминавме долг пат. За прв пат се натпреваруваа седум режисерки. Тоа е историско“.
View this post on Instagram
Откако им се заблагодари на актерите и на остатокот од филмскиот тим, режисерката Џастин Триет ја критикуваше владата на претседателот Емануел Макрон за „шокантна репресија и негирање“ на протестите против реформата на пензискиот систем: „Оваа шема на владата станува се’ порелаксирана во практикување на нејзината моќ“.
View this post on Instagram
Таа, исто така, ја критикуваше културната политика: „Комерцијализацијата на културата поддржана од оваа неолиберална влада е во процес на поткопување на културната исклучителност на Франција, без која јас не би била овде денес“.
